რამდენიმე წუთის წინ ათენის მეტროსადგურის რელსებში მამაკაცი ჩავარდა

ბერძნული მედიის მიერ გავრცელებული ინფორმაციით, რამდენიმე წუთის წინ ათენის მეტროსადგურში 60 წლამდე მამაკაცი მატარებლის რელსებში ჩავარდა.

ინციდენტი სადგურ “ნომისმატოკოპიოში” მოხდა, თუმცა, ზუსტი გარემოებები უცნობია.

ადგილზე საჭირო გახდა 2 სახანძრო მანქანისა და 5 მაშველის მობილიზება, რათა დაახლოებით 60 წლამდე მამაკაცი მატარებლის რელსებიდან ამოეყვანათ.

როგორც ცნობილია, ის ცოცხალია, თუმცა, დაზიანებები აქვს მიღებული და საავადმყოფოში გადაიყვანეს.

მიმდინარეობს გამოძიება, თუ რატომ ჩავარდა მამაკაცი სიცოცხლისთვის სახიფათო ადგილას.