ლეგენდარული მომღერალი და კომპოზიტორი სელინ დიონი ათენს სულ რამდენიმე თვეში ეწვევა და უნიკალურ კონცერტს გამართავს.
როგორც ცნობილი გახდა, დიონი 2020 წლის 31 ივლისს OAKA-ს სტადიონზე იმღერებს და ის საბერძნეთს მსოფლიო ტურის, Courage World Tour-ის ფარგლებში ესტუმრება.
ცნობილ მომღერალს 18 წლის ასაკიდან დღემდე მრავალი ჯილდო აქვს მიღებული, 35 წლიანი კარიერის მანძილზე თითქმის 250 მილიონი ალბომი გაყიდა. მოგებული აქვს გრემის 5 ჯილდო, 2 ოსკარი, ამერიკული დაჯილდოების 7, ხოლო კანადაში Juno Awards-ის 20 ჯილდო.
ის ცხოვრებაში პირველად ეწვევა საბერძნეთს, მალტას და კვიპროსს, ტურს კი კვებეკიდან დაიწყებს.
ბილეთების ფასი იწყება 66 ევროდან და მთავრდება 250-ით. შეძენა შეგიძლიათ პანეპისტიმიუს N42-ში, Viva.gr-ზე და ასევე ტელეფონის ნომერზე: 11876.
