კიდევ ერთი დიდი წარმატება – თამთამ საბერძნეთში ცნობილ და საკმაოდ ძვირადღირებულ ბრენდთან, attrattivo-სთან ერთად, ტანსაცმლის ახალი ხაზი შექმნა. მომღერალი ამაზე დიდი ხნის წინ საუბრობდა, თუმცა, ახლა ეს ყველაფერი რეალობად იქცა.
attrattivo არსებობის 30 წელს აღნიშნავს და კომპანიამ გადაწყვიტა თამთასთან თანამშრომლობით გამოუშვას პროდუქტი, რომლის სახელწოდებაც არის “შეიქმნა ცვლილებებისთვის”. იარლიყიც საკმაოდ შთამბეჭდავია, თამთას სახელი კომპანიის სახელის ქვეშ.
ვარსკვლავი არაერთხელ აღიარეს, როგორც ქვეყანაში ერთ-ერთი საუკეთესო სტილის მქონე ქალი, რომლის გემოვნებითაც ახლა არა მხოლოდ ის, არამედ ნებისმიერი ადამიანი შეიმოსება.
