უსაფრთხოება საბერძნეთის საჯარო ტრანსპორტში: მძღოლი ავტობუსს მართავს და თან მესიჯებს აგზავნის

მიუხედავად იმისა, რომ საბერძნეთში სულ მალე ახალი ელექტრო ავტობუსები ივლიან და ტრანსპორტის სამინისტრო, შეიძლება ითქვას, რომ ცდილობს მგზავრთა მომსახურების დონის ამაღლებას, როგორც ირკვევა, ამ სფეროში მაინც არსებობს სერიოზული პრობლემები.

აღნიშნული პრობლემები უკავშირდებათ თავად მძღოლებს, ადამიანებს, რომლებიც მგზავრებს ემსახურებიან და არა ტექნიკას ან მათ გაუმართავობას. რამდენიმე დღის წინ ვიხილეთ ვიდეო, როგორ თამაშობს ტელეფონით მძღოლი ათენის ავტობუსის მართვისას, ახლა კი, ვრცელდება იგივე შინაარსის მქონე მორიგი ვიდეო, მხოლოდ ხანიიდან.

მგზავრები აცხადებენ, რომ მძღოლი რამდენიმე წუთის მანძილზე მესიჯებს აგზავნიდა, პარალელურად კი, ავტობუსს მართავდა, რომელიც ხალხით იყო სავსე.

იხილეთ ვიდეო: