საბერძნეთში ამინდი უარესდება: წვიმა, ძლიერი ქარი და ჭექა-ქუხილი
ეროვნული მეტეოროლოგიური სამსახურის მიერ დღეს გავრცელებული ინფორმაციით, საბერძნეთის მასშტაბით მომდევნო დღეების მანძილზე მოსალოდნელია პერიოდული წვიმა, ძლიერი ქარი და ჭექა-ქუხილი.
კერძოდ, დღეს, 31 ივლისს იწვიმებს:
ცენტრალურ და აღმოსავლეთ მაკედონიაში, თესალიაში, სპორადესში, დასავლეთ და ცენტრალურ სტერეასა და პელოპონისოში.
ხვალ, 1 აგვისტოს:
დროდადრო იწვიმებს ცენტრალურ მაკედონიაში, სპორადესში, ჩრდილოეთ ევიაში, ჩრდილოეთ ეგეოსში. შუადღის საათებში თესალიაში, ეპირუსში, დასავლეთ და ცენტრალურ სტერეაში.
ხუთშაბათს, 2 აგვისტოს:
დროდადრო იწვიმებს ცენტრალურ მაკედონიაში, თესალიაში, სპორადესში, შესაძლოა ჩრდილოეთ ევიაში. შუადღის საათებში ეპირუსში, დასავლეთ მაკედონიაში, დასავლეთ და ცენტრალურ სტერეაში.
პარასკევს, 3 აგვისტოს:
პერიოდულად იწვიმებს დასავლეთ და ცენტრალურ მაკედონიაში, თესალიაში, ეპირუსში, შესაძლოა სპორადესში დილის საათებში. შუადღის საათებში დასავლეთ პელოპონისოში.
შაბათს, 4 აგვისტოს:
იწვიმებს დასალვეთ და ცენტრალურ მაკედონიაში (ძირითადად პიერიაში, იმათიასა და პელაში), ეპირუსსა და თესალიაში (ძირითადად დასავლეთით და ჩრდილოეთით).