ყოფილი მინისტრის, სიფის ვალირაკისის ცხედარი წყალმა კუნძულთან გამორიყა

ყოფილი მინისტრი და საბერძნეთის პარლამენტის წევრი, სიფის ვალირაკისი, სამწუხაროდ, გარდაცვლილი იპოვეს.

ირკვევა, რომ მისი ცხედარი წყალმა პატარა კუნძულ პეზონისთან, კლდეებზე გამორიყა და სწორედ იქ მიაგნეს მაშველებმა, მისი ნავიდან რამდენიმე მილის მოშორებით.

სიფის ვალირაკისი გასაბერი ნავით სასეირნოდ გავიდა, რის შემდეგაც უკან აღარ დაბრუნებულა. პოვნისას მას სამაშველო ჟილეტი ეკეთა.

პირველადი ცნობებით, 78 წლის პოლიტიკოსი ნავიდან გადავარდა.