ხუთდღიანი ძებნის შემდეგ პანაიოტი კეფალასი, რომლის საბრძოლო თვითმფრინავიც მესოლოგიში ჩამოვარდა, გარდაცვლილი იპოვეს. მისი ცხედარი საავადმყოფოში გადაასვენეს.
შეგახსენებთ, რომ პილოტსა და თვითმფრინავს ხუთი დღის მანძილზე უშედეგოდ ეძებდნენ და საქმეში ჩართული იყო საზღვაო და საჰაერო ძალები.
საქმეს ართულებდა ძლიერი წვიმაც, რომელიც ძებნის სამუშაოებს თან ახლდა.
პანაიოტი კეფალასი იოანინადან იყო და პატრასში ოჯახთან ერთად ცხოვრობდა. მას ორი შვილი დარჩა.
