ამა წლის 24 სექტემბერს, საბერძნეთში, ქალაქ თესალონიკში, გაიმართება ევროპის ჩემპიონატი ქართულ ჭიდაობაში. ასპარეზობაში მონაწილეობას მიიღებს 25-ზე მეტი ქვეყნის ფალავანი.
ჩემპიონატს გახსნის სპეციალურად ღონისძიებისთვის საქართველოდან მოწვეული მომღერალი ნატო მეტონიძე, პიანისტები: ვალერიან შიუკაშვილი და ზიზი ნასყიდაშვილი, ქართული ნაციონალური ბალეტი, სუხიშვილების აკადემია, გაიმართება ხრიდოლის წარმოდგენა.
ტურნირი ტარდება ქართული ჭიდაობის საერთაშორისო ფედერაციის (IFGW) ორგანიზებითა და საქართველოს კულტურის, სპორტისა და ახალგაზრდობის სამინისტროს, ქ. თესალონიკის მერიისა და ქ. თესალონიკში საქართველოს გენერალური საკონსულოს მხარდაჭერით.
