ემიგრანტების მიერ საქართველოში გაგზავნილი თანხის რაოდენობა 35,85%-ით არის შემცირებული
საქართველოს ეროვნული ბანკის მონაცემების მიხედვით, ემიგრანტევის მიერ საქართველოს მიმართულებით განხორციელებული ფულადი გზავნილების მოცულობა 2024 წლის იანვარ-მარტში, წინა წლის ანალოგიური პერიოდის მაჩვენებელთან შედარებით, 35,8%-ით შემცირდა და 806 მლნ აშშ დოლარი შეადგინა.
ფულადი გზავნილების მოცულობით აღნიშნულ პერიოდში რუსეთი ლიდერობს, რომელსაც მოჰყვება იტალია, შემდეგ აშშ, საბერძნეთი და ისრაელი.
კონკრეტულად მონაცემები ასე გამოიყურება:
ქვეყანა | მოცულობა, მლნ დოლარი | ზრდა, % |
რუსეთი | 182,8 | -73,1 |
იტალია | 134,9 | 10,7 |
აშშ | 124,0 | 30,5 |
საბერძნეთი | 37,5 | 6,4 |
ისრაელი | 59,3 | 13,6 |
აღსანიშნავია ისიც, რომ მარტში საქართველოდან საზღვარგარეთ 29,3 მლნ დოლარი გადაიგზავნა, რაც 2023 წლის მარტთან შედარებით 3,8%-ით ნაკლებია.
2024 წლის პირველ კვარტალში საქართველოდან უცხოეთში 84,1მლნ დოლარი გადაიგზავნა, რაც 2023 წელთან შედარებით 0,2%-ით ნაკლებია.