ხიოსზე მიგრანტთა ბანაკში 5 ადამიანი დააკავეს

შაბათს კუნძულ ხიოსზე ლტოლვილთა ბანაკში პოლიციის ორგანიზებული რეიდი მოეწყო.

პოლიციის განცხადებით, რეიდის მიზანი კონტრაბანდის აღმოჩენა და ბანაკებში ნებისმიერი უკანონო საქმიანობის აღმოფხვრა იყო.

ოპერაციის დროს 4 ადამიანი იარაღის უკანონო შენახვისთვის დააკავეს, ხოლო მეხუთე საბაჟო წესების დარღვევისთვის. ჩამორთმეულია ათობით დანა და ხის კეტი.