ბერძენი სინოპტიკოსები მომდევნო დღეებში ქვეყნის რამდენიმე რეგიონში წვიმას, ჭექა-ქუხილსა და ძლიერ ქარს პროგნოზირებენ.
გავრცელებული ინფორმაციით, ძირითადად საუბარია აღმოსავლეთ მაკედონიისა და თრაკის ტერიტორიებზე, სადაც მოსალოდნელია პერიოდული წვიმები და შტორმი.
ტემპერატურა 19-დან 36 გრადუსამდე იმერყევებს ჩრდილოეთ საბერძნეთში, 22-დან 34 გრადუსამდე გათბება ჰაერი ცენტრალურ და სამხრეთ საბერძნეში, ხოლო დასავლეთით 22-დან 36 გრადუსამდეა მოსალოდნელი.
კიკლადესსა და კრეტაზე 24-დან 31 გრადუსამდე ვარაუდობენ.
რაც შეეხება ატიკის რეგიონს, მათ შორის ათენს, მოსალოდნელია 24-დან 34 გრადუსამდე, უმეტესად მზიანი ამინდი და პერიოდული, მცირე მოღრუბლულობა, რასაც შესაძლოა თან ახლდეს წვიმა, რომელიც რამდენიმე წამს გასტანს. ქარის ძალა 4-6 ბალამდე.
თესალონიკში ნავარაუდევია მცირე მოღრუბლულობა და ძირითადად მზიანი ამინდი. ტემპერატურა 25-დან 35 გრადუსამდე იმერყევებს.
