ზუსტად სამი წელი გავიდა მას შემდეგ, რაც ბერძნულ სოფელ სარადაპოროში ვერტმფრენი ჩამოვარდა და ოთხი ოფიცრის სიცოცხლე იმსხვერპლა. სასწაულით გადარჩა მეხუთე ოფიცერი, ვასილიკი პლექსიდა, რომელიც გუშინ კატასტროფის ადგილზე მივიდა და დაღუპულ კოლეგებს პატივი მიაგო.
კადრები, რომლებიც სოფლიდან ვრცელდება, ამაღელვებელია. როგორც ქალი ამბობს, გადარჩენას წმინდა ღვთისმშობელს უნდა უმადლოდეს.
“სასწაული იყო, რომ გადავრჩი. ღვთისმშობლის წინაშე ვალში ვარ. მე ვგრძნობდი, რომ ის მკლავებით მატარებდა, მე ვგრძნობდი მას, მე მესმოდა მისი და ვხედავდი მას. არ შემიძლია სიტყვებით გადმოცემა. თითქოს მან ამიყვანა იქიდან, სადაც ვიჯექი და ამ მუხის ხეზე მომათავსა, რომლებმაც შემაკავეს, სანამ ჩვენს საშველად მოვიდნენ,” ამბობდა ვასილიკი.
როგორც ცნობილია, ახალგაზრდა ქალი ჩამოვარდნისას სწორედ დიდ მუხის ხეზე აღმოჩნდა და ასე სასწაულებრივად გადაურჩა ძლიერი დაცემას.
