ზუსტად 1 კვირაში საბერძნეთში ახალი სასწავლო პროცესი დაიწყება, თუმცა, ყველაფერი აბსოლუტურად განსხვავებულად იქნება, Covid-19-იდან გამომდინარე შექმნილი ვითარების გამო.
როგორც უკვე ცნობილია, სკოლებში მოსწავლეებსა და მასწავლებლებს დაურიგდებათ პირბადეები, რომელთა ტარებაც საკლასო ოთახებში სავალდებულო იქნება.
დაწყებითი კლასების მოსწავლეებს გადაეცემათ პირბადეები ზომით – 10x18cm, ხოლო დანარჩენი კლასების მოსწავლეებს 12x22cm.
იხილეთ სპეციალური სიუჟეტი:
ზოგადად, სკოლებში იმოქმედებს შემდეგი წესები:
სავალდებულოა პირბადის ტარება, გამონაკლისი დაიშვება მხოლოდ სპეციალური საჭიროებების მქონე ბავშვებისთვის, რომლებსაც ჯანმრთელობის პრობლემები აქვთ. (პირბადე უნდა ატარონ როგორც სკოლაში, ასევე სასკოლო ტრანსპორტში. იგივე წესი ეხებათ სკოლაში მისულ მშობლებს).
გაცდენები არ ჩაითვლება იმ შემთხვევაში, თუკი დადგინდება, რომ მოსწავლე იმყოფებოდა კონტაქტში კორონავირუსით ინფიცირებულ პირთან და იძულებულია გაიაროს სავალდებულო კარანტინი.
იმ შემთხვევაში, თუ სკოლაში გამოვლინდება ინფიცირების შემთხვევა, დაიკეტება კლასი და არა მთლიანად სკოლა. ხოლო ამ კლასის მოსწავლეები სწავლას დისტანციურად გააგრძელებენ.
შესვენებაზე მოსწავლეები გავლენ განცალკევებით.
არ დაიშვება ექსკურსიები, ჩემპიონატები, კონფერენციები მუზეუმის მონახულების შემთხვევაში კი მოსწავლეები აქაც დაიყოფიან.
დაწყებითი კლასების ყველა მოსწავლეს უფასოდ დაურიგდება საკუთარი წყლის ბოთლი (ლასკარიდის ფონდიდან).
