როგორც უკვე ცნობილია, ორშაბათს, 1-ელ მაისს, ათენში საჯარო ტრანსპორტი განსხვავებულ რეჟიმში იმუშავებს. საზოგადოებას მხოლოდ ავტობუსებისა და ტროლეიბუსების შესახებ ჰქონდა ინფორმაცია, მაგრამ რამდენიმე წუთის წინ გავრცელდა ახალი ცნობები მეტროსთან დაკავშირებითაც.
კერძოდ, წარმოგიდგენთ, როგორ იმოძრავებს ტრანსპორტის თითოეული სახეობა 1-ელ მაისს:
ავტობუსები და ტროლეიბუსები იმოძრავებენ მხოლოდ 09:00 საათიდან 21:00 საათამდე.
რაც შეეხება მეტროს, მე-2 და მე-3 ხაზებს და 1-ელ ხაზს, იგივე ΗΣΑΠ-ს (ტრენო/ილეკტრიკო) არ იმუშავებს ჩვეული სიხშირით, მატარებლები გამოივლიან კვირა დღის განრიგით, ანუ შედარებით იშვიათად, ვიდრე ჩვეულებრივ შემთხვევებში.
ამ დროისთვის არსებული ინფორმაციით, ΚΤΕΛ-ის ავტობუსები რეისებს ჩვეულ რეჟიმში განახორციელებენ, ხოლო გემები 1-ელ მაისს 24 საათით შეაჩერებენ მუშაობას.
ამას გარდა, 1-ელ მაისს თესალონიკის ავტობუსების მძღოლებიც 24 საათით იფიცებიან.
