გავრცელებული ინფორმაციით, საბერძნეთში 25-დან 39 წლამდე ახალგაზრდებზე პირველი უპროცენტო სესხები ბინის შესაძენად, მარტის თვეში გაიცემა. სესხები განკუთვნილია 10.000 ახალგაზრდისთვის ან წყვილისთვის, რომელთაც პროგრამა “ჩემი სახლის” გამოყენება სურთ.
თებერვლის თვეში დაიწყება ბანკებსა და მთავრობას შორის მოლაპარაკებები და მოგვარდება ფორმალური პროცედურები, სესხების გასაცემად, რათა შესაძლებელი გახდეს განაცხადების გაკეთება. მარტის თვეში კი, პირველი თანხების ჩარიცხვა დაიწყება.
თანხის ოდენობა, რომელსაც ბანკი გასცემს, 150.000 ევრომდეა, სწორედ ამ ოდენობას არ უნდა აჭარბებდეს ქონების ობიექტური ღირებულებაც. თანხის დაფარვის ვადა განისაზღვრაბ 30 წლამდე. პროგრამის ჯამური ბიუჯეტი 1,74 მილიარდ ევროს შეადგენს.
