5 ოქტომბერი- ავტობუსების გაფიცვის განრიგი თესალონიკში!
დღეს თესალონიკში ავტობუსის მძღოლები 24 საათით არიან გაფიცულები. თუმცა, ცვლილებებია ხვალინდელ დღესთან დაკავშირებითაც.
თესალონიკში, ხვალ, 5 ოქტომბერს, ავტობუსები გარკვეული საათების მანძილზე კვლავ არ იმუშავებს.
მძღოლებმა განაცხადეს, რომ მუშაობას მხოლოდ დილის 09:00 საათიდან დაიწყებენ და იმოძრავებენ საღამოს 19:00 საათამდე.
ამ დროისთვის კი ქალაქი სრულიად ავტობუსების გარეშეა.
შაბათ-კვირას ისინი ჩვეულებრივ რეჟიმში იმუშავებენ, ხოლო ორშაბათს დაგეგმილია შეხვედრა ხელისუფლებასთან, კერძოდ, მინისტრ ხრისტოს სპირძისთან, კონკრეტული გადაწყვეტილებების მისაღებად.
დამატებითი ინფორმაცია მოგვიანებით გავრცელდება.