მთავრობის წარმომადგენლებმა უკვე გაავრცელეს ინფორმაცია იმის შესახებ, თუ რა ცვლილებები შედის ძალაში 5 ივლისიდან, გადაადგილების თვალსაზრისით.
ფაქტობრივად, შეზღუდვების დაწესების ფონზე, მთავრობა ცდილობს, რომ ვაქცინაცია გაააქტიუროს და უკვე სახეზეა, თუ რა პრიორიტეტებითა და თავისუფლებით სარგებლობს მოსახლეობის ვაქცინირებული ნაწილი.
კერძოდ, 5 ივლისიდან კუნძულების მიმართულებით გადაადგილება ზრდასრულებისთვის დასაშვები იქნება მხოლოდ:
ვაქცინაციის მწვანე სერთიფიკატით
იმ ფაქტის დამადასტურებელი ცნობით (ტესტით), რომლის მიხედვითაც გადატანილი გაქვთ კორონავირუსი.
PCR ტესტით ( მოლეკულური), რომელიც ჩატარებულია არაუმეტეს 72 საათით ადრე.
Rapid ტესტი (სწრაფი), რომელიც ჩატარებულია არაუმეტეს 48 საათით ადრე.
12-დან 17 წლამდე ბავშვებს შეუძლიათ წარადგინონ ნებისმიერი სახის ტესტი (ანუ მისაღებია თვით-ტესტირებაც), ხოლო 12 წლამდე ბავშვებს შეუძლიათ ტესტის გარეშე, თავისუფლად იმოგზაურონ.
უკან დაბრუნებისას რეკომენდებულია თვით-ტესტირების ჩატარება ყველასთვის, ვინც არის 12 წელს ზემოთ.
