კავალაში 38 წლის რუმინელი ქალის გარდაცვალება კვლავ იდუმალებით არის მოცული. თავდაპირველად სიკვდილის მიზეზად დახრჩობა სახელდებოდა, მაგრამ ახლა, ხელისუფლება სხვა სცენარებსაც განიხილავს. არსებობს ტაქსის მძღოლის ჩვენება, რომელმაც ის თესალონიკის აეროპორტიდან გადაიყვანა.
საბრალო მიხაელა ორი გოგონას დედა იყო, როგორც უკვე ცნობილია, საბერძნეთში კონტაქტები ჰქონდა, ჰყავდა მეგობარი კუნძულ თასოდან და სულ რამდენიმე დღით ჩამოვიდა, მეუღლესთან განქორწინების შემდეგ.
ტაქსის მძღოლი შემდეგნაირად საუბრობს 38 წლის ქალთან შეხვედრის შესახებ:
“ჩანდა, რომ თავის სამყაროში იყო. ბევრი არ გვისაუბრია, მხოლოდ ის მითხრა, რომ სულ ახლახანს განქორწინდა, იმეორებდა, რომ ცხოვრება მშვენიერია. უნდოდა წამეყვანა ზღვის ტერიტორიაზე, სადაც მოგონებები ჰქონდა. ასევე მითხრა, რომ აპირებდა თასოს მიმართულებით გემით გამგზავრებულიყო, რომ მეგობარს შეხვედროდა.”
საქმის კიდევ ერთი იდუმალებით მოცული ნაწილია მიხაელას სასტუმროში გამოჩენა, ფეხსაცმლის, ჩანთისა და ტელეფონის გარეშე, სადაც მხოლოდ რამდენიმე წუთი დარჩა და შემდეგ გაუჩინარდა. ვრცელდება კადრები, თუ როგორ გამოიყურება მისი ოთახი, საწოლზე მიმოყრილი ნივთები, რომლებშიც არაფერია ღირებული.
აღსანიშნავია, რომ როდესაც 38 წლის ქალის დამ სასტუმროში დარეკა, თანამშრომელმა უპასუხა, რომ იმ პერიოდისთვის არ მუშაობდნენ, ამიტომ ოჯახს მაშინვე გაუჩნდა კითხვა, როგორ შეიძლებოდა მიხაელა იქ დარჩენილიყო, თუ სასტუმრო არ ფუნქციონირებდა.
