ფინანსთა მინისტრის მოადგილის გადაწყვეტილებით საბერძნეთში ბინის ქირაზე ფასდაკლება მაისშიც იმოქმედებს.
როგორც უკვე ცნობილია, წინა თვეში კორონავირუსით დაზარალებული მოსახლეობისთვის ბინის ქირა შემცირდა და შესაძლებლობა ჰქონდათ, რომ გადაეხადათ 40%-ით ნაკლები თანხა.
საუბარია იმ ადამიანებზე, რომლებიც პანდემიის ფონზე უმუშევრები დარჩნენ ან შეუმცირდათ შემოსავლები. საზოგადოების ამ ნაწილმა სახელმწიფოსგან მიიღო დახმარება 600-დან 800 ევრომდე ოდენობით და საშუალება ჰქონდა განაცხადი გაეკეთებინა ქირის დაკლების თაობაზეც.
ამრიგად, მომდევნო რამდენიმე დღეში ოფიციალურად გამოცხადდება, რომ 40%-იანი ფასდაკლება იმოქმედებს მაისის თვეშიც და აღნიშნულით სარგებლობა შეეძლება საზოგადოების იგივე კატეგორიას.
შეგახსენებთ, რომ ბინის მფლობელს ფასდაკლებაზე უარის თქმის უფლება არ აქვს, რადგან თქვენ ის გეკუთვნით კანონის ფარგლებში.
