ტატიანა სტეფანიდუს საშუალებით გავიცანით ქალბატონი მარია, რომელსაც მშობიარობის ნიშნები სწორედ მაშინ დაეწყო, როდესაც ატიკის გზატკეცილზე, სხვა მძღოლებთან ერთად, თოვლში იყო მომწყვდეული. მისი შვილი ნაადრევად დაიბადა, თუმცა, საბედნიეროდ, ჯანმრთელია და საფრთხე არ ემუქრება.
მარია მედიასთან საუბრისას ამბობს, რომ ყველაზე მეტად იმის ეშინოდა, რომ ბავშვით ხელში სახლში დაბრუნებოდა და ელექტრო ენერგია არ ექნებოდა. ქალი გაოგნებულია, როგორ შეიძლება ასეთი რამ 2022 წელს ევროპულ ქვეყანაში ხდებოდეს.
“სახელმწიფოსგან ძალიან იმედგაცრუებული ვარ, მხოლოდ ჩვენგან წაღება იცის,” ამბობს ის.
