კიდევ ერთი აფეთქება თბილისში გაზის გაჟონვის გამო – საავადმყოფოშია 7 ადამიანი, მათ შორის ჩვილი ბავშვი
საპატრულო პოლიციის დეპარტამენტის უფროსის მოადგილის ვაჟა სირაძის განცხადებით, დიღმის მასივში, სავარაუდოდ, ბუნებრივი აირის აფეთქების შედეგად, შვიდი პირი, მათ შორის შვიდი თვის ბავშვი საავადმყოფოშია გადაყვანილი. მისივე ინფორმაციით, მათ ჯანმთელობას საფრთხე არ ემუქრება.
ამასთან, საპატრულო პოლიციის წარმომადგენლის ცნობით, გამოძიება დარწყებულია სსკ-ის 240-ე მუხლის მეორე ნაწილით და ყველა საგამოძიებო მოქმედება ინტენსიურ რეჟიმში მიმდინარეობს – იკითხება ყველა პირი, მათ შორის “ყაზტრანსაგაზის” თანამშრომლები.
“დანიშნულია კომპლექსური ექსპერტიზა. გამოძიება აუცილებლად დაადგენს აფეთქების მიზეზებს. სრულად ევაკუირებულია ყველა მოქელაქე და სიტუაცია ექვემდებარება კონტროლს”, – განუცხადა ჟურნალისტებს ვაჟა სირაძემ.
ადგილობრივთა ინფორმაციით, დიღმის მასივში, საცხოვრებელ სახლი, სადაც აფეთქება მოხდა, დაკეტილი იყო. მათივე განცხადებით, აფეთქების შედეგადრამდენიმე ადამიანი დაშავდა, რომელთაგან ერთ-ერთი დამწვრობის ცენტრში გადაიყვანეს.
მათივე განცხადებით, აფეთქებას ძლიერი აფეთქების ხმა უძღვოდა წინ, რომელსაც ნგრევა მოყვა. ადგილობრივთა ნაწილი აღნიშნავს, რომ ტერიტორიაზე რაიმე სპეციფიური სუნი არ შეინიშნებოდა, თუმცა ნაწილი საწინაღმდეგოს ამტკიცებს.
ამ დროისთვის ადგილზე 10-მდე სახანძრო სამაშველო მანქანა მუშაობს. ტერიტორიაზე საპატრულო პოლიციის და სასწრაფო დახმარების მანქანებია მობილიზებული.