ერთი პურის ღირებულება შესაძლოა 1,90 ევრო გახდეს? – საბერძნეთში ფასები კრიტიკულად იმატებს
საბერძნეთში პურის გაძვირება უკვე რამდენიმე დღეა დაფიქსირდა და მიუხედავად იმისა, რომ მთავრობა აქტიურად მუშაობს ფასების დარეგულირებისთვის ძირითად პროდუქტებსა და ნედლეულზე, მომხმარებელს ორი პურის შესაძენად შესაძლოა მალე 3 ევროც არ ეყოს.
როგორც მედია იუწყება, თესალონიკის რამდენიმე საცხობში ერთი პურის ღირებულება 1 ევროდან 1,40 ევრომდე აღწევს, ხოლო კონკრეტული ფქვილით დამზადებული ზოგიერთი სახეობის პურის საფასური 4 ევრომდეა.
მოსალოდნელია, რომ მომდევნო პერიოდში ფასებმა კიდევ აიწიოს, 10%-30%-ით, რაც ნიშნავს, რომ ღირებულება 1-1.40 ევროდან 1,30-1,82 ევრომდე ავა და საბოლოოდ დამრგვალდება 1,90 ევრომდე. ანუ ერთი პურის ფასი მალე შესაძლოა 1,90 ევრო გახდეს.
საცხობების მეპატრონეთა განცხადებით, ნედლეულის ფასი იმდენად მაღალია, რომ მათთვის შეუძლებელია პროდუქტებზე იგივე ფასები დატოვონ.