კოსმოპოლიტურ კუნძულზე არსებული ფასები ჩვეულებრივი “მოკვდავებისთვის” ხელმისაწვდომი არ არის და ეს ცნობილი ფაქტია. ამჯერად ცნობილი გახდა, რომ მიკონოსზე იყიდება ვილა, რომელიც ამ დრომდე ყველაზე ძვირად არის შეფასებული და მის მომავალ მფლობელს 23.000.000 ევროს გადახდა მოუწევს ამ სილამაზის შესაძენად.
ეს არის “ვილა ალეგრია”, რომელიც ნამდვილად განსაცვიფრებელია. რამდენიმე წლის წინ ვარაუდობდნენ, რომ მისი საერთო ღირებულება 6 მილიონ ევროს არ ასცდებოდა, თუმცა, როგორც ჩანს, ფასმა ზედმეტად გადააჭარბა.
ვილას აქვს პატარა აეროპორტი, 30 ადამიანზე გათვლილი საძინებლები, აუზი, სპა, პარკინგი და ყველაფერი, რაც კი ადამიანმა შეიძლება ისურვოს სრული კომფორტის მისაღწევად.
