ცოტა ხნის წინ გავრცელდა ინფორმაცია იმ პირთა შესახებ, რომელთაც ბრალად ატიკის მასშტაბით ჩადენილი 31 შეიარაღებული ძარცვა ედებოდათ. ტელეკომპანია Epsilon-ზე ტატიანას შოუში უპრეცენდენტო შემთხვევა დაფიქსირდა. ძებნილთაგან ერთ-ერთი მამაკაცი, რომლის ფოტოებსაც საბერძნეთის პოლიცია ავრცელებდა, გადაცემაში გამოვიდა მანამდე, სანამ პოლიცია დააკავებდა.
ის არის 1979 წელს დაბადებული ანდრეას ტურნა, რომელიც ტატიანას დაუკავშირდა და სთხოვა ტელევიზიაში სიტყვით გამოსვლის უფლება მიეცა, სანამ ჩაბარდებოდა. მისი თქმით, მას მცირეწლოვანი შვილი ჰყავს, არ არის კრიმინალური დაჯგუფების წევრი და არც ძარცვებში აქვს მონაწილეობა მიღებული. თუმცა, აღნიშნავს, რომ დამნაშავეთაგან ერთ-ერთი მისი მეგობარია.
