გავრცელებული ინფორმაციით, ტრაგედია კალამატაში, ერთ-ერთ მიუვალ ადგილას მოხდა. ცოლ-ქმარი ხევში გარდაცვლილი იპოვეს, პოლიცია გამოძიებას აწარმოებს, თუმცა, პირველ ეტაპზე განიხილავენ ორმაგი თვითმკვლელობის ვერსიას.
გამოძიების მასალების მიხედვით, მამაკაცი საჯარო სამუშაოების კონტრაქტორი იყო, ხოლო მისი მეუღლე (68 წლის ქალი) პენსიაზე გასული პედაგოგი. მამაკაცი დიდი სიმაღლიდან გადავარდა ხევში და სწორედ იქ იპოვეს, ხოლო ქალი შედარებით მაღლა, იმ ადგილას, სადაც მანქანა ჰყავდათ გაჩერებული.
ვინაიდან ადგილზე არ ჩანს დანაშაულებრივი ქმედებების კვალი, პოლიცია ვარაუდობს, რომ ეს ორმაგი თვითმკვლელობაა. ამ დროისთვის ეძებენ მათ ახლო ნათესავებს, რათა გარკვეული ინფორმაცია შეგროვდეს და დადგინდეს, რა შეიძლებოდა მომხდარიყო.
