ქ. თესალონიკში საქართველოს გენერალურმა საკონსულომ საქართველოს ორი მოქალაქის თესალონიკიდან საქართველოში გამგზავრება უზრუნველყო.
მოქალაქეებიდან ერთს ესაჭიროება სასწრაფო ოპერაცია, ხოლო მეორემ საქართველოში უნდა გაიაროს ოპერაციის შემდგომი სარეაბილიტაციო კურსი.
ხსენებულ მოქალაქეებს 2020 წლის 28 დეკემბერის ათენი-თბილისის რეისზე ქონდათ ჰქონდათ ბილეთები შეძენილი, მაგრამ საბერძნეთის რესპუბლიკის მთელს ტერიტორიაზე გამოცხადებული საყოველთაო კარანტინის და მძიმე ჯანმრთელობის მდგომარეობიდან გამომდინარე, შეუძლებელი იყო მათი ათენამდე დამოუკიდებლად მგზავრობა. აღნიშნულიდან გამომდინარე, გენერალური საკონსულოს მიერ მიღებულ იქნა გადაწყვეტილება, დახმარება აღმოეჩინა საქართველოს მოქალაქეებისთვის და უზრუნველყო მათი ტრანსპორტირება.
