წინა საევროვიზიო წვეულებები ევროპის სხვადასხვა ქალაქებში ყოველ წელს იმართება და გამონაკლისი არც მიმდინარე წელი ყოფილა. 29-30 მარტს წვეულება მადრიდში გაიმართა, რომელსაც თამთაც დაესწრო და რა თქმა უნდა, შეხვდა საქართველოს წარმომადგენელს, ნუცა ბუზალაძესაც.
მომღერალი, როგორც ყოველთვის ექსტრავაგანტულად გამოიყურებოდა და ყველასგან გამორჩეული იყო. თამთამ მედიასთან აღნიშნა, რომ სიამოვნებით წარადგენდა ევროვიზიაზე საქართველოს, თუკი ასეთი შანსი მიეცემოდა. ის ყოველთვის ყველგან აღნიშნავს, რომ მისთვის დიდი პატივი იქნებოდა თავისი სამშობლოს წარმომადგენელი ყოფილიყო.
