ათენი და კაირო დღეს ისტორიულ შეთანხმებას აწერენ ხელს. საუბარია დიდი ენერგეტიკული და გეოპოლიტიკური მნიშვნელობის შეთანხმებაზე, რომელიც სარგებელს მოუტანს არა მხოლოდ საბერძნეთს, არამედ მთელ ევროპას.
საუბარია ორ ქვეყანას შორის ელექტრო ენერგიის წყალქვეშა კაბელის გაყვანაზე, რომელიც, ფაქტობრივად, ორ კონტინენტს ერთმანეთთან დააკავშირებს.
საბერძნეთმა და ეგვიპტემ საზღვაო ზონების დელიმიტაციის ხელშეკრულებას ხელი ჯერ კიდევ 2020 წლის 6 აგვისტოს მოაწერეს, ხოლო ახლანდელი შეთანხმება ორ ქვეყანას შორის კარგი ურთიერთობების გაღრმავების პროდუქტია.
