გუშინდელი დღის მსგავსად, საბერძნეთის უმეტეს რეგიონებში დღესაც მზიანი ამინდია მოსალოდნელი. მხოლოდ ევიისა და კრეტას ტერიტორიებზე ნავარაუდევია პერიოდული წვიმა, რომელიც არ იქნება ძლიერი.
იქროლებს ჩრდილოეთ ქარი, 4-5 ბალი სიძლიერის, ხოლო ეგეოსის ზღვაზე მისი ძალა 6 ბალს მიაღწევს.
ტემპერატურა ჩრდილოეთ საბერძნეთში 15 გრადუსი იქნება, ხოლო დანარჩენ რეგიონებში 17-19 გრადუსს მიაღწევს.
ატიკის რეგიონში უმეტესად მზიანი ამინდი იქნება, ჰაერი კი 17 გრადუსამდე გათბება. რაც შეეხება თესალონიკს, ტემპერატურა 7-დან 15 გრადუსამდე იმერყევებს.
სინოპტიკოსთა პროგნოზით, ხვალისთვის ამინდი მნიშვნელოვნად არ შეიცვლება.
