დღეს, 15 იანვარს, ათენში მძიმე დღეა. გაფიცულია საზოგადოებრივი ტრანსპორტის ყველა თანამშრომელი, რაც ნიშნავს, რომ მოსახლეობა იძულებულია საკუთარი მანქანით გადაადგილდეს.
ქალაქში არ ფუნქციონირებს ტრანსპორტის არცერთი სახეობა: მეტრო, ავტობუსი, ტროლეიბუსი, ტრამვაი.
ამ ყველაფრის შედეგი კი ქუჩებში შექმნილი გრძელი საცობებია.
ყველაზე პრობლემატური სიტუაცია აღინიშნება: კიფისიის გამზირზე, სიგრუს გამზირზე, ვულიაღმენის გამზირზე, პირეოსის გამზირზე, ასევე კატეხაკის და ალექსანდრას გამზირებზე.
