ამ დრომდე ცნობილი იყო, რომ საბერძნეთში 4 მაისიდან პირბადეების ტარება სავალდებულო ხდებოდა, როგორც საჯარო ტრანსპორტში, ასევე სუპერმარკეტებში, ვინაიდან ეს არის დახურული სივრცე. თუმცა, მთავრობის სპიკერმა, სტელიოს პეცასმა სრულიად სხვაგვარი განცხადება გააკეთა.
“სუპერმარკეტებში ნიღბების ტარება სავალდებულო იქნება მხოლოდ და მხოლოდ თანამშრომლებისთვის და არა კლიენტებისთვის. მიუხედავად ამისა, იარსებებს მკაცრი შეზღუდვები და რეკომენდაციები, რომლებიც მათ უნდა შეასრულონ.დღის ბოლოს კი ნიღბებთან დაკავშირებით უფრო დაწვრილებითი ინფორმაცია იქნება ხელმისაწვდომი,” განაცხადა პეცასმა.
“ხალხი დაიწყებს სახლიდან თავისუფლად გასვლას, ცნობისა და SMS გარეშე. მაგრამ უნდა გაითვალისწინოთ, რომ შეინარჩუნოთ სიფხიზლე და არ დაგვავიწყდეს ექსპერტების რჩევები, ვიცავთ პირად ჰიგიენას მაქსიმალურ დონეზე,” დაამატა მან.
