როგორც უკვე ცნობილია, საბერძნეთის პოლიციამ 7 პაკისტანელი ადამიანების მძევლად აყვანის ბრალდებით დააპატიმრა. ვრცელდება ექსკლუზიური კადრები, თუ რა პირობებში და სად ჰყავდათ გამოკეტილი 14 ასევე პაკისტანელი ემიგრანტი, რომელთაც საბერძნეთში ჩამოყვანასა და დასაქმებას დაჰპირდნენ, ხოლო შემდეგ მათი ნათესავებისგან გამოსასყიდს ითხოვდნენ, რათა გაეთავისუფლებინათ.
შენობა არტას ტერიტორიაზე მდებარეობს და მისი მეპატრონე 66 წლის ბერძენი მამაკაცია. პოლიციამ პაკისტანელებთან ერთად ისიც აიყვანა.
დანაშაულის ადგილიდან ამოიღეს იარაღიც. კრიმინალებს კი ჩამოართვეს ავტომობილი, რომლითაც ისინი საბერძნეთში უკანონოდ შემოიყვანეს, რაშიც ასევე თანხა აიღეს.
