საბერძნეთის პრემიერი ალექსის ციპრასი ევოსმოს ჯანმრთელობის ცენტრს ესტუმრა. მას პენსიონერი მიუახლოვდა და საკუთარი დაბალი პენსიის გამო შესჩივლა: ”როგორ გადავიხადო კომუნალური და ქონებრივი გადასახადები?
პენსიები ”ახალი დემოკრატიის” მმართველობის პერიოდში შემცირდა, თქვენგან კი არაფერი მიმიღია. 5 ევრო კი, რომელიც საჯარო საავადმყოფოს სტუმრობისთვის არის განკუთვნილი თქვენმა მთავრობამ გააუქმა.
თქვენ პრემიერ მინისტრი ხართ, მე ხმა მოგეცით და თქვენთან გამოვთქვამ ჩემს საჩივარს. ”
პრემიერმა კი უპასუხა: ”ეს აუცილებლად უნდა გეთქვათ. ჩვენ ჩავიბარეთ ქვეყანა, რომელიც ძალიან ცუდ მდგომარეობაში იყო. ახლა კი, თითს ჩვენკენ იშვერენ.”
