ანჟელა პერისტერი ალბანელი მომღერალია, რომელსაც ბერძნული ფესვები აქვს, ბერძნულ ენაზე სუფთად საუბრობს და უმუშავია ისეთ ცნობილ ვარსკვლავებთან, როგორებიც არიან: ანტონის რემოს, ელენი ფურეირა, პაოლა, სტელიოს როკოს და ა.შ.
ის წელს ევროვიზიაზე ალბანეთს წარმოადგენს და ალბანურ ენაზე მღერის. ანჟელა აღნიშნავს, რომ თავიდანვე ამბობდა, რომ ალბანეთიდან არის და არასოდეს ჰქონია ამის გამო ვინმესთან რაიმე პრობლემა. მცირე სირთულეებს მხოლოდ მაშინ აწყდებოდა, როდესაც ენას კარგად არ ფლობდა.
მომღერალს დაუსვეს კითხვა, მიაღწევდა თუ არა ბევრად მეტ წარმატებას, თუკი წარმოშობას დამალავდა, რაზეც უპასუხა “დიახ”.
ანჟელამ ისიც კი გაამხილა, რომ წარსულში ორი ბერძენი ქალი სცემა, რომელიც მის სამშობლოს, ალბანეთს შეურაცხყოფდა.
