ბერძნული მედიის ინფორმაციით, ევიაში ძლიერი ხანძარი მძვინვარებს და უფრო და უფრო იმატებს მეხანძრე-მაშველთა რაოდენობა, ვინაიდან ცეცხლმა უკვე სოფელ კრემასტოს მიაღწია.
როგორც ირკვევა, ადგილზე მუშაობს 70 მეხანძრე, 21 მანქანა, 9 თვითმფრინავი და 4 ვერტმფრენი.
გამომდინარე იქიდან, რომ ქრის საკმაოდ ძლიერი ქარი, ევიის გუბერნატორის მოადგილე, შესაბამის სამსახურთან ერთად, სოფლის ევაკუაციის გეგმას ამზადებს. სოფელ კრემასტოში მოსახლეობას ამის შესახებ სიტყვიერად უკვე აცნობეს და ასევე იგეგმება 112-ის საშუალებით შეტყობინების გაგზავნაც.
