ემიგრანტების საქართველოში დასაბრუნებლად სპეცრეისები დაინიშნა – განრიგი
ემიგრანტების საქართველოში დასაბრუნებლად სპეცრეისები დაინიშნა. განრიგი უწყებათაშორისი საკოორდინაციო საბჭოს დღევანდელ სხდომაზე შეთანხმდა. საქართველოს მოქალაქეების დასაბრუნებლად, ივლისის განმავლობაში სპეცრეისებს ავიაკომპანიები – Wizz air-ი და Myway Airlines-ი შეასრულებენ.
რეისები შესრულდება შემდეგი განრიგით:
- 13 ივლისი – ვარშავა,
- 15 ივლისი – ბარსელონა,
- 17 ივლისი – რომი,
- 22 ივლისი – პარიზი,
- 28 ივლისი – ათენი.
“ბილეთის ფასი საქართველოს მოქალაქეებისთვის არ იქნება 200 ევროზე მეტი. საქართველოში დაბრუნებული მოქალაქეებისთვის კვლავ სავალდებულოა 14-დღიანი საკარანტინო პროცედურის გავლა” – აცხადებს საქართველოს მთავრობა.