ბერძნული მედიის ინფორმაციით, ათენში, კერძოდ, აგია ვარვარას ტერიტორიაზე, საბერძნეთის პოლიცია ნარკოდანაშაულთან დაკავშირებით სპეცოპერაციას ატარებს.
ოპერაცია, რომელშიც 100-მდე ოფიცერი მონაწილეობს, დილის 06:00 საათზე დაიწყო და ამ დრომდე მიმდინარეობს.
ირკვევა, რომ უკვე დაკავებულია 20-მდე პირი. ჩხრეკა მიმდინარეობს სახლებსა და სხვადასხვა მაღაზიებში. ამოღებულია მინიმუმ 2,5 კგ კოკაინი და 2.000 ნარკოტიკული აბი.
იგივე სახის ოპერაიციები ჩატარდა აგიუს ანარგირუს და მენიდის ტერიტორიებზეც.
