მწერალი და პარლამენტის ყოფილი წევრი, პეტრო ტაცოპულო ამ დროისთვის, ფაქტობრივად, სიცოცხლისთვის იბრძვის. როგორც უკვე ცნობილია, მას გუშინ ტელეკომპანია Alpha-ს პირდაპირ ეთერში ანევრიზმა დაემართა და გულის საშინელი ტკივილის შემდეგ გონება დაკარგა. საავადმყოფოში მიყვანისთანავე ის საოპერაციოში გადაიყვანეს.
როგორც ექიმები აცხადებენ, 5 საათიანი ოპერაცია წარმატებით დასრულდა, მაგრამ მისი მდგომარეობა კვლავ კრიტიკული რჩება, ვინაიდან მსგავსი სახის ოპერაციებს თან უამრავი გართულება ახლავს. მომდევნო დღეები ყოფილი პარლამენტარისთვის დიდი მნიშვნელობის იქნება.
