1 იანვრიდან საბერძნეთში ქირას სახელმწიფო დაფარავს – ვის რამდენი ეკუთვნის?!
ტელეკომპანია ANT-ზე გამოქვეყნდა საბოლოო კრიტერიუმები, რომელთა მიხედვითაც საბერძნეთის მთავრობა მოსახლეობას, რომელიც ქირით ცხოვრობს ან სესხი აქვს, გარკვეულ თანხას ჩაურიცხავს. აღსანიშნავია, რომ თანხების გაცემა 1 იანვრიდან დაიწყება.
ოჯახები, რომლებიც ქირით ცხოვრობენ, მიიღებენ 70 ევროდან 210 ევრომდე დანამატს. მთავარ კრიტერიუმს წარმოადგენს შემოსავლები და ქონება.
- ერთწევრიანი ოჯახი, თვეში, მაქსიმუმ 70 ევროს მიიღებს
- ოჯახი, სადაც 2 ზრდასრული წევრია – 105 ევრო/თვეში
- 3 წევრიანი ოჯახი ან ოჯახი, სადაც 1 მშობელი და 1 არასრულწლოვანია: 140 ევრო/თვეში
- 4 წევრიანი ოჯახი ან ოჯახი, სადაც 1 მშობელი და 2 არასრულწლოვანია: 175 ევრო/თვეში
- 4 წევრიანი ოჯახი ან ოჯახი, სადაც 1 მშობელი და 3 არასრულწლოვანია: 210 ევრო/თვეში.
იმისათვის, რომ გაარკვიოთ გეკუთვნით თუ არა აღნიშნული სახის დახმარება, მიმართეთ ბუღალტერს.