ჯანდაცვის სამინისტროს ინფორმაციით, საბერძნეთში კორონავირუსის 10 ახალი შემთხვევა დადასტურდა, რამაც დაინფიცირებულთა რიცხვი 99-მდე გაზარდა.
სოტირის ციოდრასის თქმით, დაავადებულთაგან 95 ბერძენია, ხოლო 4 უცხოელი.
ამავე დროს, პატრასში 66 წლის მამაკაცის ჯანმრთელობის მდგომარეობა კრიტიკულია, შედარებით მძიმედ არის კიდევ ორი პაციენტი, ხოლო სხვა დანარჩენების სიცოცხლეს საფრთხე არ ემუქრება.
ოფიციალური ცნობებით, ამჟამად კორონავირუსით ინფიცირებული 29 პაციენტი ატიკის, თესალონიკის და პატრასის საავადმყოფოებშია მოთავსებული, ხოლო დანარჩენი 68 კარანტინს სახლის პირობებში გადის.
