თურქეთი ევროპისკენ მიმავალ დევნილებს აღარ შეაჩერებს
სამართლიანობისა და განვითარების პარტიის პრეს-სპიკერმა ომერ ჩელიქმა განაცხადა, რომ თურქეთი ევროპის ქვეყნებში წასვლის მსურველ დევნილებს აღარ შეაჩერებს.
ომერ ჩელიქმა სირიის რეჟიმის მიერ თურქ სამხედროებზე თავდასხმის შემდეგ გაკეთებულ განცხადებაში აღნიშნა:” ჩვენი დევნილების პოლიტიკა იგივეა, მაგრამ უკვე ისეთ მდგომარეობაში ვართ, რომ დევნილებს აღარ შევაჩერებთ.”
გავრცელდა ინფორმაცია, რომ სირიის რეჟიმის ინტენსიური თავდასხმების შედეგად თურქეთის საზღვართან წარმოქმნილ დევნილთა ტალღას, სახმელეთო და საზღვაო გზით, ევროპაში გადასვლის მსურველებს ხელს არ შეუშლიან და სანაპირო და სასაზღვრო ჯგუფებს სათანადო მითითება მიეცათ.