ტორნადო საბერძნეთში: დაშავებულია ტურისტი, რომელის კარავსაც ორი ხე დაეცა
გავრცელებული ინფორმაციით, ილიასის ტერიტორიაზე, კერძოდ, ზახაროს მუნიციპალიტეტს, დაახლოებით 04:00 საათზე თავს ტორნადო დაატყდა.
ირკვევა, რომ თავდაპირველად დაიწყო ძლიერი წვიმა, რასაც შემდეგ ტორნადოს ფორმირება მოჰყვა და ფაქტობრივად, გარშემო ყველაფერი წალეკა.
Protothema.gr-ის ცნობით, ამ ტერიტორიაზე იმყოფებოდნენ ინგლისელი ტურისტები, რომლებიც კარვებში ცხოვრობდნენ. რამდენიმე მათგანმა წასვლა გადაწყვიტა, ვინაიდან ამინდის გაუარესების შეეშინდათ.
ერთ-ერთი ინგლისელი კარავში დარჩა, რომელსაც რამდენიმე ხანში ორი ნაძვი დაეცა. ტურისტს დაზიანებები აქვს მიღებული ფეხის არეში და აუცილებელი გახდა მისი ჰოსპიტალიზაცია.