შეცდომები ისეთ მასშტაბურ კონკურსებზეც ხდება, როგორიც ევროვიზიაა. გავრცელებული ინფორმაციით, ეკრანზე გამოსახული რიცხვები, რომლებიც მონაწილეთა ქულების რაოდენობას ასახავდა, სწორი არ არის. როგორც ვიცით, თამთა ქვეყნების სიაში მე-15 ადგილზე იყო, თუმცა, ეს მისი რეალური პოზიცია არ არის.
შესაძლოა ქულების გასწორება და პოზიციების შესაბამისად განაწილება ბევრს არაფერს ცვლის, რადგან საბოლოო გამარჯვებული და მეორე და მესამე ადგილების მფლობელი იგივე რჩება, მაგრამ როგორც ევროვიზიის ორგანიზატორები ამბობენ, ეს თითოეული მონაწილის პატივისცემის გამო უნდა მოხდეს.
აღმოჩნდა, რომ თამთამ 109 ქულით მე-13 ადგილი დაიკავა და არა მე-15. მან გადაასწრო კიდევ ორ ქვეყანას, რაც, თავის მხრივ, წარმატებაა.
სოციალურ ქსელში მომხდართან დაკავშირებით დიდი გამოხმაურება იყო… თამთას გულშემატკივრები აქტიურად აღნიშნავდნენ, რომ 26 ქვეყანას შორის მე-13 ადგილის დაკავება, ნამდვილად ბევრს ნიშნავს.
