საბერძნეთის პოლიციამ კიდევ ერთი შემოწმება ჩაატარა კიფისოს ავტობუსების სადგურში. როგორც აღმოჩნდა, ადგილზე ალბანეთის 17 მოქალაქე ბილეთების შეძენას და იოანინას მიმართულებით წასვლას ცდილობდა. მათ არ ჰქონდათ გადაადგილების უფლების დამადასტურებელი არანაირი დოკუმენტი.
აღსანიშნავია, რომ რამდენიმე დღის წინ ალბანეთის 19 სხვა მოქალაქე ცდილობდა სამშობლოში ამავე გზით დაბრუნებას, თუმცა, ისინი უკან მოაბრუნეს და კარანტინის წესის დაცვა მოსთხოვეს. გარდა ამისა, დაჯარიმდნენ 150 ევროთი.
