ლარისაში მატარებლების შეჯახების შედეგად დაღუპულთა რიცხვი 38-მდე გაიზარდა, ბევრი ადამიანი ჯერ კიდევ გაუჩინარებულად ითვლება. შოკისმომგვრელია არა მხოლოდ შემთხვევის ადგილიდან გავრცელებული კადრები, არამედ ის მდგომარეობაც, რომელიც ლარისას საავადმყოფოებში ფიქსირდება.
დაშავებულთა რიცხვი 66-სს უდრის, აქედან 6 ადამიანი რეანიმაციულ განყოფილებაშია მოთავსებული. საჯარო საავადმყოფოსთან შეკრებულია ათასობით ადამიანი, მშობლები, ნათესავები, მეგობრები, მათი ემოციური მდგომარეობა კი, სიტყვებით აღუწერელია. ზოგს შვილის ამოცნობას სთხოვენ, ზოგიერთს კი, არანაირი ინფორმაცია არ აქვს საკუთარი ნათესავის შესახებ.
