დღეს, 11 ივლისს, საბერძნეთში გრანდიოზული საზაფხულო ფასდაკლებები დაიწყო. როგორც ათენის სავაჭრო პალატის პრეზიდენტი იუწყება, წლევანდელი ფასდაკლებები საკმაოდ მიმზიდველი იქნება მოსახლეობისთვის, რადგან ფასები საგრძნობლად დაიკლებს.
სხვადასხვა მაღაზიებში ფასდაკლებები 30%-დან 50%-მდე იქნება მინიმუმ, ხოლო ზოგან 70%-საც კი მიაღწევს. ამასთანავე, მაღაზიები ღია იქნება კვირას, 17 ივლისსაც და იმუშავებენ დილის 11:00 საათიდან საღამოს 20:00 საათამდე.
ფასდაკლებები, ზოგადად, მოიცავს 11 ივლისიდან 31 აგვისტომდე პერიოდს და ამ თარიღს მოუთმენლად ელოდა როგორც მომხმარებელი, ასევე ბიზნესი, ამ დროისთვის არსებული კრიზისის ფონზე.
