“პოლიტიკოსებმა და მედიამ ქიმიურ იარაღთან დაკავშირებით ისტერია უნდა შეაჩერონ” – რუსეთის საელჩო ათენში

რუსეთის საელჩო ათენში კიდევ ერთხელ მოუწოდებს ბერძნებს, მათ წინააღმდეგ პროპაგანდის შეჩერებისკენ და გავრცელებულ პოსტში ქიმიურ იარაღს ახსენებს.

კერძოდ, საელჩო მიმართავს დასავლეთს, შესაბამისად, ბერძნულ მედიას და ბერძენ პოლიტიკოსებს, რომ შეაჩერონ ის “ისტერია”, რომელიც მოსკოვის ქიმიურ იარაღს უკავშირდება. მათი თქმით, დასავლურმა ქვეყნებმა თავიანთი მოსახლეობა არ უნდა შეაშინონ იმ იარაღით, რომელიც რეალურად არ არსებობს:

“ჩვენ გვაქვს ვალდებულება გვახსოვდეს, რომ რუსეთმა პირნათლად შეასრულა თავისი ვალდებულებები ქიმიური იარაღის განადგურებასთან დაკავშირებით.”