ელენი ფურეირამ ალბერტო ბოტიაზე გულახდილად პირველად ისაუბრა.
ცნობილი ვარსკვლავი ევროვიზიაზე კვიპროსის სახელით წარსდგება და ეს ფაქტი ძალიან ახარებს, თუმცა, ასევე აღნიშნავს, რომ პირად ცხოვრებაშიც ყველაფერი ძალიან კარგად აქვს.
– რას ამბობს თქვენი პარტნიორი, ალბერტო ბოტია, ევროვიზიასთან დაკავშირებით?
– მას ჩემი სჯერა. ეს ყველაფერი მოსწონს და ფიქრობს, რომ უნდა გავაკეთო.
– წამოვა ლისაბონში, რათა გიგულშემატკივროთ?
– ის მუშაობს, ამიტომ სურვილისამებრ მოგზაურობა არ შეუძლია. ეს მისი პროფესიული ვალდებულებაა. მაგრამ ჩემთვის ამას მნიშვნელობა არ აქვს. ჩემთვის მნიშვნელოვანია, რომ მას ჩემი სჯერა და მანძილის მიუხედავად, მაინც სულ ჩემ გვერდითაა.
– დადიხართ სტადიონზე მისი მატჩების სანახავად?
– არა, არასოდეს ვყოფილვარ. ფეხბურთში ვერ ვერკვევი და მისი პროფესიით ძალიან დაინტერესებული არ ვარ. ნამდვილად მინდა, ყველაფერი კარგად გვქონდეს, თუმცა, მე არ ვარ ქალი, რომელსაც სტადიონზე ნახავთ.
– თქვენ ძალიან მომხიბვლელი ქალი ხართ, ასევე თქვენი პარტნიორი. რომელი თქვენგანი ეჭვიანობს ხოლმე უფრო ხშირად?
– არცერთი. ეჭვიანობა ისეთი რამაა, რაც მაშინ ხდება, როდესაც ვინმე კონკრეტულ ადამიანს ეხება. ჩვენ შორის კი ეჭვიანობის მიზეზი არ არსებობს.
