საზოგადოების ნაწილი საბერძნეთში ამოქმედებული ახალი ზომებით უკმაყოფილოა, თუმცა, არიან ისეთებიც, რომლებიც უფრო მეტ სიმკაცრესაც კი ისურვებდნენ.
გუშინდელი დღიდან დაწყებულია კონტროლი და უკვე შეინიშნება ხალხის ნაკლებობა მაღაზიებსა და კაფეებში, სადაც ვაქცინაციის სერთიფიკატის ან სწრაფი ტესტის უარყოფითი პასუხის გარეშე შესვლა არ არის შესაძლებელი.
საინტერესოა ცვლილებების ამოქმედების პირველ დღეს ტელეკომპანია Open-ის მომზადებული სიუჟეტი, სადაც ერთი მამაკაცი ამბობს, რომ სრულიად ემხრობა ზომებს, ვინაიდან ყველა უნდა აიცრას, ხოლო მეორე მოქალაქე აცხადებს, რომ ინფიცირების ტენდენციის უეცარი მატებიდან გამომდინარე, ის უფრო მეტი აკრძალვის დაწესებასაც ისურვებდა.
