როგორც ეროვნული მეტეოროლოგიური სამსახური იუწყება, მიმდინარე შაბათ-კვირას საბერძნეთში მინი გვალვა იქნება და ჰაერის ტემპერატურა 37-38 გრადუსამდე აიწევს ზოგიერთ რეგიონში.
როგორც სინოპტიკოსები პროგნოზირებენ, ეგეოსის ზღვაში 35 გრადუსი დაფიქსირდება, თუმცა, პარალელურად, იქროლებს 7 ბალის სიძლიერის ქარი.
დღეს ჩრდილოეთ საბერძნეთში ჰაერის ტემპერატურა 20-დან 35 გრადუსამდე იმერყევებს, ცენტრალურ საბერძნეთში 21-დან 34 გრადუსამდეა მოსალოდნელი, დასავლეთით კი, ჰაერი 35 გრადუსამდე გათბება.
ათენსა და თესალონიკში მინიმუმ 34-35 გრადუსია მოსალოდნელი.
სინოპტიკოსთა პროგნოზის მიხედვით, ამინდი საბერძნეთში სამშაბათიდან კვლავ შეიცვლება და ცენტრალურ მაკედონიასა და თესალიაში ძლიერი ქარი და წვიმაა ნავარაუდევი, ღრუბელი მოიმატებს იონიის ზღვაშიც, ტემპერატურა 4 გრადუსით დაიკლებს, ქარის ძალა კი, 4-დან 6 ბალამდე იმერყევებს.
